吻賀壽星袁偉豪 張寶兒結婚漏口風：落實再同大家講

袁偉豪與張寶兒拍拖兩年多，感情穩定，多次傳出好事近。袁偉豪下周一39歲生日，他前晚上載寶兒、胡蓓蔚及單立文為他慶生的相片，並留言說︰「每一年五月份都有大家跟自己一起慶生日，限聚令底下不能跟所有好友相見，但今年罕有地收到了一個生日香吻，既然如此，懂得社交禮儀的我立即還一個了吧。」相中，寶兒攬實男友獻吻，袁偉豪「回禮」親親寶兒時，亦閉上眼一臉陶醉。

寶兒昨日接受《晴報》電話訪問時甜笑說︰「其實好少咁公開（錫錫），依家記錄低都好。限聚令唔可以太多人食飯，但傾偈反而深入啲，傾下生活、屋企裝修。（準備結婚裝修新居？）暫時都係咁…有啲咩新消息再話畀大家知，多謝大家關心，我知道大家都好心急，但無壓力嘅。」是否今年內結婚？她支吾以對：「落實咗再話畀大家聽，今年工作都好忙，好感恩呢個時候有工作。」